بعث أحمد حسن كوكا، لاعب المنتخب المصري وبنديك سبور التركي برسالة مؤثرة جديدة، لدعم الشعب الفلسطيني، داعيًا العرب للاتحاد، من أجل التصدي لأي عدوان خارجي.
وكتب أحمد حسن كوكا عبر حسابه الرسمي على موقع التواصل الاجتماعي فيسبوك: "بنصحىكل يوم نروح شغلنا مُجبرين عشان أهالينا وأولادنا اللي مسؤولين عنهم وقلوبنا فيها ألم ووجع على أحبابنا وأخواتنا في فلسطين".
وأضاف: "في كل ثانية بتمر خبر جديد أبشع من اللي قبله.. نتصور إن خلاص مفيش أوحش من كده ممكن يحصل، بس مابنستناش كتير ونلاقي اللي أبشع منه".
وتابع: "أعتقد إن بعد ما قصفت إسرائيل المستشفى والمدرسة والكنيسة وكل شيء محرم، ضاربة بالقوانين الدولية عرض الحائط، بدأت بعض الناس تستوعب إن ليس لديهم قلب ولا رحمة، بدأت تتغير الآراء، لأن بجد صعب جدًا إن يقف شخص في صف كل الشيطانية دي".
وأكمل: "أب بيشيل عياله أو أعضاء من عياله في كيس بلاستيك، أجسام من غير رؤوس، كل الوحشية دي ولسه مفيش حاجة بتوقفهم لحد اللحظة دي، وبرغم قساوة كل اللي فات، ولسه كتير من المجتمع الغربي لا يستنكر أصلا اللي بيحصل".
وواصل: "خلاص كلام بلغتهم مالوش لازمة عشان كل حاجة واضحة.. ليه احنا كعرب مانتحدش؟ أنتم متخيلين قوة كل دولة عربية؟ أنتم متخيلين لو كل الدول العربية تصدوا لأي عدوان علي أي دولة عربية؟".
وأتم أحمد حسن كوكا تصريحاته قائلًا: "ممكن تكون فيه أبعاد سياسية تانية أنا مش فاهمها، وممكن كمان يكون تخيلي دا قاصر، لكن اللي أعرفه إن الإتحاد قوة، والقوي هو اللي بيتعمل له حساب".