كشف أحمد شوبير الإعلامي بقنوات أون تايم سبورتس، حيل صلاح محسن مهاجم الفريق الأول لكرة القدم بالنادي الأهلي للانتقال إلى نادي الزمالك خلال الفترة المقبلة.

وقال شوبير خلال حديثه عبر إذاعة أون سبورت: "اعتبر صلاح محسن برة النادي الأهلي بشروط النادي الأهلي.. الأهلي له 7 إعارات فوق السن ومخلصهم ومش مسموح يطلع إعارات تاني فعلشان صلاح محسن يمشي لازم يتعمل عقد ثلاثي بين الأهلي واللاعب والنادي اللي هياخده إعارة".

وأضاف: "السؤال طب ما الأهلي يبيعه ويخلص.. العروض جاية منين؟ العرض الأكبر بالنسباله جايله من نادي سيراميكا كليوباترا.. صلاح هيوافق على الإعارة؟ مجبر مقدموش غير أنه يوافق على الإعارة، لو موافقش هيقعد في النادي".

وأكمل: "صلاح محسن فقد تمامًا ثقة كولر علشان هو تغيب عن التدريبات بدون إذن وبدون عذر النظام اللي في النادي الأهلي لا يسمح بده هو اتخصمله وغرامة كبيرة كمان وقدم أعذارًا لم تكن مقبولة لدى خالد بيبو مدير الكرة".

وواصل: "أنا وقفت جنب صلاح لما موافقش يروح فيوتشر إعارة وقولت خلاص هو عاوز يثبت وجوده ويشد حيله ويلعب وده حقه الطبيعي لكن معلوماتي المؤكدة أن صلاح محسن يرغب في الانتقال لنادي الزمالك".

واختتم شوبير حديثه: "الزمالك مش ممانع بس الزمالك في احترام الراجل مرتبط بتعاقد مع النادي الأهلي قالوله خلص نفسك وتعالى لكن احنا مش هندخل على لاعب عقده مستمر مع الأهلي فبدأ صلاح يعمل حتة (التزييق) وفي الآخر الأهلي مبيزهقوش من الحاجات دي فالقصة قد تكون ممتدة".