علق هاني رمزي نجم النادي الأهلي ومنتخب مصر السابق، على خبر سفر محمد صلاح إلى إنجلترا لمتابعة إصابته بعد مباراة منتخبنا الوطني الليلة أمام الرأس الأخضر في كأس أمم إفريقيا.
وقال هاني رمزي خلال حديثه عبر قناة دي إم سي: "طبيعي اللي اتقال كان لجزء كبير مننا صدمة أنه قال هيمشي بعد المباراة التوقيت صعب جدا وخطأ لأن أولا منتخب مصر عنده شوية مشاكل وعنده أزمة مينفعش أنت كابتن الفريق والأيقونة بتاعت مصر ممكن تسافر في حاجة قد تكون غير ضرورية".
وأضاف: "الشد العضلي ممكن تعالج نفسك من أسبوع لعشر أيام معندكش حاجة في ركبتك ومفيش إصابة كبيرة تخليك تروح إنجلترا تشوف الدنيا فيها ايه".
وأكمل: "كان ممكن ليفربول يبعت الفريق الطبي لكوت ديفوار يتابع حالة صلاح لكن التوقيت اللي اتعلن فيه الكلام ده كان مترتب مفيش حاجة بتيجي بالصدفة بعد مباراة غانا وبعد الإصابة أكيد حصل تواصل مع الإدارة الفنية في ليفربول ويورجن كلوب وكان الاتفاق أنك يا محمد تيجي ونشوفك".
وواصل: "ده طبيعي في عالم الاحتراف لكن أن أنت تاخد الخطوة في الوقت ده اعتقادي فيها شوية عدم التقدير للمسئولية خاصة أنك الدنيا شوية على السوشيال ميديا كان في هجوم".
واختتم هاني رمزي حديثه: "الهجوم تطرق لحاجات غير سوية ممكن تنتقد محدش أكبر من النقد لكن في حدود معينة أنك بتجدد دوافع اللاعب لكن احنا لما بننتقد حد بندخل في سكة تانية خالص لكن أنا من الناس اللي اتخضوا من الخبر".