يرى رمضان صبحي لاعب الفريق الأول لكرة القدم بنادي بيراميدز، أن فريقه تعرض للظلم في مباراته أمام مازيمبي الكونغولي بدوري أبطال إفريقيا.
وقال رمضان صبحي خلال حديثه عبر قناة سي بي سي: "تفاجئنا بخروجنا من دوري أبطال إفريقيا، احساسي واحساس اللعيبة كنا محتاجين أننا نوصل لأبعد من كدة في دوري أبطال إفريقيا".
وأضاف: "احنا أول مرة نلعب في البطولة كان معانا فرقتين في المجموعة أقويا جدا مازيمبي وصن داونز مجموعة تقيلة والفرقة الرابعة كانت بتلعب كورة كويسة لكن موفقناش نتمنى الموسم الجاي نوصل البطولة دي ونوصل لأبعد حتة".
وعن مباراة إياب نصف النهائي بين الأهلي ومازيمبي، قال رمضان: "أكيد مش أنا اللي هقول للأهلي ايه يحصل علشان يعدي مازيمبي هو على طول بيبقى محطوط في المواقف دي بس أعتقد أنه هيعدي هنا بشكل سهل مش هيبقى في صعوبة".
وواصل: "احنا لاعبنا مازيمبي مش عاوز ادخل في الحكام واننا اتظلمنا هناك احنا كسبنا هنا على ملعبنا لكن وقت ماتشنا هناك مكانش في فار لينا ضربة جزاء مليون في المية وكان ساعتها الموضوع 0-0 النتيجة متدلش على الماتش اللي لعبناه هناك".