كشف المهاجم محمد شريف، في تصريحاته خلال برنامج "حارس الأهلي" مع الإعلامي أحمد شوبير، كواليس توقيعه وعودته الرسمية للنادي الأهلي، مؤكدًا أن الأمور سارت بسلاسة ودون أي خلافات، وأنه وقع على العقود قبل حتى مناقشة الأمور المالية.

وقال شريف:"كابتن محمد يوسف قال لي: روح وانا هكلمك. وبعد حوالي ساعتين كلمني تاني وقال لي: تعالى نروح التتش نخلص كل حاجة... روحت مضيت ومخلصت كل حاجة."

وأشار إلى أن الصفقة تمت دون أي عراقيل، مضيفًا:"ما كانش فيه مشاكل في الفلوس، ما اختلفناش خالص، وقعدنا شوية مع بعض بندردش. الموضوع ما كملش أصلاً... قال لي امضي، مضيت وبصمت على طول، حتى ما كناش لسه اتكلمنا في الفلوس."

وأوضح شريف أنه وقع عقدًا مدته خمس سنوات، قائلًا:مضيت خمس سنين. ولسه ما كملناش 29 سنة، يعني لسه قدامنا وقت طويل."