سيد عبد الحفيظ: مش فارق هنلاعب مين الدور الجاي.. كله محصل بعضه



تحدث سيد عبد الحفيظ مدير الكرة بالفريق الأول لكرة القدم بالنادي الأهلي عن أجواء مباراة الهلال السوداني بالجولة السادسة من دور المجموعات ببطولة دوري ابطال افريقيا.

وقال عبد الحفيظ في تصريحات لقناة النادي الأهلي عقب المباراة "مش فارق معانا هنلاعب مين في الدور الجاي، كله محصل بعضه، الفرق الي في التصنيف الأول والثاني مستواها متقارب وبتقدم بطولة مميزة".

وأضاف "كل الفرق مرشحة انها تتأهل لدور ربع النهائي، الوداد في التصنيف الثاني وكان وصيف بطولة السنة الي فاتت، في ظل الأجواء الي حصلت دي الأهلي كان الأفضل".

وأستكمل عبد الحفيظ "أي حكم تاني غير الحكم ده كان اتاثر بالي بيحصل، قرار إلغاء المباراة مش بتاعه، يؤخذ عليه أمر واحد فقط وهو أن هناك أخطاء في الشوط الأول كانت تستوجب الطرد المباشر".

وعن ياسر إبراهيم مدافع الأهلي، قال عبد الحفيظ "اللاعب حالته جيدة الآن، الفريق لسة في الاستاد لحد دلوقتي داخل غرفة خلع الملابس، بعد شوية هنتحرك ونروح الفندق ونتعشى وبعدها نروح المطار للعودة للقاهرة".

وأختتم عبد الحفيظ تصريحاته "هنقفل الصفحة دي بالكامل ونركز في الي جاي، عندنا مباراة مهمة ومؤثرة في مشوار الدوري أمام بيراميدز يوم الخميس".

استطلاع الراى


ما رأيك في قرار أحمد فتحي بالرحيل آخر الموسم؟
الدوري العام - 2019/2020