أكد أمير مرتضى منصور، المشرف العام على قطاع كرة القدم بنادي الزمالك –الجديد القديم- أنه لن يعمل على "تطفيش" باتريس كارتيرون، المدير الفني للفريق، مُشيرًا إلى أنه سيعمل على احتواءه في الفترة المقبلة.
وقال أمير في تصريحات للصحفيين مساء اليوم الثلاثاء: "كارتيرون ؟ (مش راجعين ننتقم، مش هنشوه حد، مفيش وقت للكلام ده، لكن برضو في نفس الوقت كل حاجة لازم ترجع مكانها) ".
وأضاف:" (مجلس الادارة ليه سلطة على الكل بما فيهم أنا، أنا مكنتش خاطف فرقة الكرة، المشرف على الكرة بيشتغل مع المدرب ومجلس الإدارة واللاعيبة، اللاعب لاعب، والمدرب مدرب، وكل واحد يعمل شغله ودوره) ".
وتابع:" (لما تبقى العلاقة شاذة وحد بيعمل حاجة أكتر من صلاحياته ده اللي أنا جاي اظبطه، دور اللاعب يركز في الملعب مش يجيب حق النادي، أنا دوري أحمي اللاعب والمدرب) ".
وواصل:" (كلمة النادي هي اللي بتمشي، أنا مش جاي اطفشه، الموضوع أسهل من كده، لو مش عاوزينه خلاص هنشوف الشرط الجزائي، لكننا بنبدأ صفحة جديدة، وكل الدعم ليه طول ما هو ماشي على سياسة النادي) ".
وأتم:" (أنا مش عاوز اتقابل معاه غير بعد الماتش الجاي عشان ميبقاش فيه أي وسيلة توتر، هقعد معاه واحتويه وأفهم القصة ايه بما لا يضر مصلحة النادي، أنا مش داخل اصطدم بيه) ".