تحدث شريف إكرامي حارس مرمى الفريق الأول لكرة القدم بنادي بيراميدز عن موقف استثنائي من محمد أبو تريكة لاعب النادي الأهلي السابق.وقال إكرامي خلال حديثه عبر قناة أون تايم سبورت: "في العالم كله مفيش حد بيجيله عرض قوي ومغري ويرفضه غير في بعض الحالات الاستثنائية".وأضاف: "في حالات صعبة مش طبيعي أن لاعب يكون في مكان ويجيله عرض كبير وقال لا أنا هقعد هنا ده بيتي، اللي يعمل كدة يتحط في حتة تانية خالص ويبقى نموذج ونجم النجوم، ولازم يتقدر ويتعمله اللي متعملش".وأردف إكرامي: "الحالة دي طوال السنوات اللي قضيتها في الأهلي شوفتها مرة واحدة، كانت مع أبو تريكة في عام 2008، لما كان الأهلي راجع من كأس العالم للأندية في اليابان".وأتم شريف إكرامي حديثه: "أبو تريكة وقتها جاله عرض مرعب من الهلال السعودي قال أنا ميفرقش معايا الفلوس أنا قاعد في الأهلي، ده الاستثناء، أبو تريكة لو كان عاوز يمشي كان هيكون حقه لكنه قرر يكمل".شريف إكرامي حارس مرمى بيراميدز 🗣💬 "بشوف نفسي الحارس رقم 1 في مصر" pic.twitter.com/KNoeGRAwZj— El-Ahly.com (@ElAhlycom) January 9, 2022