فتح حسام البدري المدير الفني السابق للمنتخب المصري النار على الثنائي رضا عبد العال وإبراهيم فايق خلال حديثه عبر فضائية المحور.
وأوضح البدري بأن ما قاله رضا عبد العال غير صحيح ولا يعرف ماذا يدار في الغرف المغلقة وأنه طلب مباريات للمنتخب ولم يتم تلبية طلباته ولو أكمل مهمته لحقق النجاح.
وحول تصريحات رضا عبد العال عن التعادل مع الجابون فأكد البدري: "انطرد عمر جابر والنتيجة 1/0 ليهم والتغيير اللي عملته يدرس بس ما وصلش لرضا عبد العال لمتبقى مغلوبة والعب 3/2/4 واجيب التعادل ده يدرس"
وعاد حسام البدري للرد على هجوم إبراهيم فايق خلال برنامجه التليفزيوني بعد رحيله عن تدريب المنتخب مؤكدا أنه يعلم لماذا يهاجمه فايق "كل ده يا إبراهيم عشان مبحضرش الدعوات اللي بتوجهلي في البرامج ومبسمحش ان حد يخش جوه المنتخب يعرف بنعمل ايه والتشكيل ايه يبقى الرد بالشكل ده، عيب والله عيب"
وأضاف البدري: " لما باتفرج على الكلام ده وبيتكرر قدامي باقول عيب عاوزين نصلح حاجات كتير كلنا زعلانين عشان المنتخب مراحش كاس عالم كلنا حزنانين عاوزين نبقى كلنا صادقين كلنا ميبقاش فيه تصفية حسابات ميبقاش فيه حاجات مش منطقية ميبقاش فيه مساندة لأجنبي على مصري وكان ممكن المصري ينجح، طلبني إبراهيم فايق كتير ومروحتش وطلعت مرة واحدة مع كابتن شوبير كانت علاقتي كويسة معاه".