كشف عمر كمال عبد الواحد لاعب الفريق الأول لكرة القدم بنادي فيوتشر، عن فترة صعب مر بها في حياته، كادت أن تُجبره على اعتزال كرة القدم في سن مبكر.

وقال عمر كمال خلال حديثه عبر قناة أون تايم سبورتس: "أول سنتين في نادي المصري كانوا صعبين جدا.. حسام حسن معرفتش اتأقلم معاه وحصلت مشادة بينا ومقدرتش اكمل طلعت الأسيوطي إعارة 6 شهور وبعدين رجعت".

وأضاف: "ماكنتش بلعب باك رايت هو كان مشتريني وينج.. لعبت ماتش الزمالك باك رايت مبعرفش العبها هو اتضايق وزعل قولتله انا مبعرفش العب باك رايت بدأ الخلاف مبقتش العب ولما يسافروا كنت بفضل قاعد في بورسعيد مبروحش المعسكرات معاهم طلبت أني أطلع إعارة".

وأكمل عمر كمال عبد الواحد باكيًا: "شوفت فترة في المصري صعبة ربنا وحده اللي عارف الموضوع ده كنت هبطل كورة فيها.. بشكر إبراهيم بيسة ده عامل أوضة اللبس الراجل ده كان بيصرف عليا لأني ماكنتش باخد فلوس من المصري.. حطوني في قايمة الانتظار ماكنتش باخد فلوس خالص بيسة كان متبنيني بيجيبلي اكل وبيصرف عليا".

واختتم عمر كمال حديهث: "لما حطوني قايمة انتظار قعدت في البيت، قالولي علشان تمشي لازم تيجي تتمرن فروحت اتمرن فلوسي كلها كانت بتتخصم كانت أصعب أيام حياتي أول سنتين في نادي المصري".