كشف محمود الخطيب رئيس مجلس إدارة النادي الأهلي، آخر تطورات حالة العامري فاروق نائب رئيس مجلس الإدارة، وتوجه بطلب لجماهير القلعة الحمراء.
وقال الخطيب خلال حديثه من خلال الجمعية العمومية للنادي الأهلي: "العامري ربنا يشفيه وينجيه ويعافيه بإذن الله العامري تعرض لشيء ألمنا جميعًا".
وأضاف: "احنا عندنا ثقة كبيرة في الله سبحانه وتعالى من خلال دعواتنا جمعيًا ومن خلال دعوات حضراتكم اللي بطلبها منكم العامري محتاج الدعاء الحالة صعبة انهاردة في تحسن ملموس وبسيط محتاج دعائكم كلكم كل زمايله في مجلس الإدارة وكل أعضاء النادي الناس كلها بتسأل عليه وبتروحله المستشفى".
وأكمل: "امبارح من خلال ابنه إبراهيم وأخواته خالد وهشام ووالده ووالدته أنا كنت معاهم مع كل أعضاء المجلس وطلبنا تقرير كامل لغاية امبارح عن كل اللي حدث بالنسبة لموضوع العامري التقرير جالنا بكل صور الإشاعات وبعتها على طول للدكتور اللي كان عملي العملية في المخ في ألمانيا هو رد رد مختصر وقال أن اللي اتعمل في مصر محدش يقدر يعمل اكتر من كدة".
وواصل: "الدكتور قال أننا هنلاحظ حركة وهنشوف إذا كان في اتجاهات أخرى في العلاج أو لا".
واختتم الخطيب حديثه: "كمان زميلنا طارق قنديل يمر بأزمة صحية حاجة اسمها الحزام الناري وملازم البيت لأنه معدي ربنا يشفي كل مريض ان شاء الله هيرجعولنا بألف سلامة".