أكد أحمد شوبير الإعلامي بقنوات أون تايم سبورتس، أن هناك اجتماع حاسم سيعقد اليوم الإثنين، من أجل إنهاء كافة التفاصيل الخاصة بانتقال عمر كمال عبد الواحد من مودرن فيوتشر إلى النادي الأهلي.
وقال شوبير خلال حديثه عبر إذاعة أون سبورت: "انهاردة قد يكون اجتماع الحسم لموضوع ضم عمر كمال عبد الواحد للنادي الأهلي"
وأضاف: "الاجتماع سيكون بين عدلي القيعي رئيس شركة الكرة بالنادي الأهلي ووليد دعبس مالك ورئيس نادي مودرن فيوتشر.. الرتوش الأخيرة للموضوع بتنتهي الموضوع على وشك الإعلان".
وأكمل: "عمر كمال عبد الواحد حسم الموضوع تمامًا قابل دكتور وليد دعبس ودكتور وليد قاله بلغني قرارك وعاوز ايه عمر قاله قراري أني انضم للنادي الأهلي قاله في عرض جاي من بيراميدز والزمالك قاله قراري النهائي وحلم عمري انضم للنادي الأهلي".
وواصل: "الدكتور وليد قاله هنخلص التفاوض القصة بتخلص في موضوع صلاح محسن في ولدين كمان من الصغيرين مودرن فيوتشر عاوز واحد منهم لأن موضوع خالد عبد الفتاح كولر رفض أنه يمشي موضوع محمود متولي كان اتفتح بس مودرن فيوتشر قالوا انه مش محتاجه ومحتاجين ندعم مراكز تانية".
واختتم شوبير حديثه: "بيحطوا الرتوش الأخيرة والإعارات هتكون لمدة سنة ونصف لحد دلوقتي مفيهاش جانب مادي الدنيا بتنتهي".