كشف محمد مجدي أفشة لاعب الفريق الأول لكرة القدم بالنادي الأهلي، كواليس تجديد تعاقده مع القلعة الحمراء.
وقال أفشة خلال حديثه عبر قناة دي إم سي: "كابتن سيد عبد الحفيظ كلمني في التمرين وقالي تعالى نقعد مع بعض علشان تفاصيل العقد قولتله يا كابتن أنا مش هتكلم في أي حاجة".
وأضاف: "قولتله جهز العقد وجهز اللي عاوز تحطه واللي النادي وكابتن الخطيب عاوزين يحطوه وأنا هاجي أمضي وأمشي قالي ازاي قولتله زي ما بقول لحضرتك".
وأكمل: "راح جاي ندهلي وقالي مفيش حد في حياتي عمل كدة معايا غير كابتن أبو تريكة قولتله يا كابتن أنا النادي ده خيره عليا فلازم أعمل كدة".
وأكمل: "أنا بحب الأهلي أنا عملت كدة علشان حبي في النادي وحب أبويا وأمي وأخواتي للنادي الأهلي روحت مكلم الوكيل بتاعي وكلموا أمير توفيق وجابوا العقد مضيت وبصمت واديت الورق لوكيلي قولتله روحوا اقعدوا في النادي".
واختتم أفشة حديثه: "قعدوا مع كابتن سيد وكابتن أمير واتفقوا على كل حاجة كلموني قالولي خلاص بس الكابتن عاوزك تعمل اعلانين قولتله اعمل والموضوع خلص".