تحدث سيد عبد الحفيظ مدير الكرة بالنادي الأهلي السابق عن عدم الاحتفال الجيد وتأكيد التاريخ من خلال الاحتفال داخل أرض الملعب.وقال سيد عبد الحفيظ في تصريحات تلفزيونية مع الإعلامي إبراهيم فايق: ممكن يبقى الإنجاز كبير والبطولة كبيرة ولكن ثقافتنا التفكير في بكرة ودة شئ حلو ولكن لازم ترسخ الي فات ولو قارنت الأرقام هتلاقي الأهلي بينافس نفسه.وتابع سيد عبد الحفيظ: مهم ان الاحتفال وترسيخ الحدث يكون نابع من جوة النادي وأنا كنت ببقى عايز أبلور الإحتفال واحفظه واخليه للأجيال الجاية والإحتفالية متبقاش مقتصرة على حفلة كمان شهرين مهم يبقى وقتها في أرض الملعب.وأضاف : الفكر مبيبقاش هو عدم الإحتفال قد مهو بيبقى حرص على الي جاي ودة ممكن يبقى إيجابي ولكن مهم تأكد على الي فات من خلال حاجة في الملعب أو بين اللعيبة والأجهزة والجمهور.