استمراراً لخدمة نبض الجماهير والتي لاقت نجاحاً كبيراً، يقدم لكم El-Ahly.com تعليقات مختارة من جماهير الأهلي من صفحة الموقع عبر الفايس بووك ومن منتدى جماهير الأهلي.
بداية يرى :Medo Hussin "مينفعش نعلق على صفقات لسه مظهرتش فى الملعب كلها اللى اقدر اقوله غالى اثبت انه لعيب بير ولسه هيقدم كتير للنادى الباقى لسه لما ينزلو ع الارض نحدد"، فيما يرى Ahmed Samy Al-azab : "ابو السعود مش وحش بس مش احسن من رمزى ومش هيلعب طبعا لانه غير مقيد افريقيا،غالى وشوقى صفقتين من العيار التقيل فى نص الملعب، شبانة مش متاكد انه اضافة لله لكنه يناسب تفكير حسام البدرى،غدارما شفناهوش بس اكيد مش هيطلع اوحش من فرانسيس،وجدو امتداد لرضا عبد العال والمقولة الشهيرة ان اللاعب غاللى بيتنقل بمشكلة ما بيظهرش بمستوى كويس"، وعلق Ahmed Turk: "شوقى وغالى وجدو فوق الخيال غدار +شبانة + ابو السعود اضافة قوية ان شاء الله"، وتابع Ahmed Mohamed: "احسن صفقات حسام غالى ومحمد شوقى عشان كانت مفاجئه ان الاتنين يرجعو مع بعض لان من وقت ما احترفو خط وسط الاهلى مهزوز ومش بالقوه بتاعه زمان، غدار متفائل بيه وحاسس انه هيبقى لاعب كويس، شبانه محتاج يثبت نفسه، ابو السعود اضافه طبعا والتنافس بين ...الحراس اكيد كل واحد هيطلع احسن ما عنده عشان يلعب، وجدو حاسس ان الضغط النفسى الى عليه مش هيخليه يعمل حاجه ".
وعلق Mohamed Fayez :" انا شايف ان إدارة الأهلي بذلت مجهود جامد عشان تجيب صفقات سوبر واعتقد انها نجحت في دا ولازم نشكرها والاهم من دا كلو نقف جنب نادينا العظيم زي ما هما مش بخلو علينا احنا كما منبخلش عليهم بما اوتينا من تشجيع"، وعلق Mimo Malak قائلاً :" بصوا ياجماعه الصفقات ديه ممتازه بس مش هتفضل كتير اخره 3 سنين بسب سن اللعيبه والحمد لله ان المعتصم سالم مجاش بس في فايده كبير قوي للشباب انهم هيلعبوا ويتدربوا مع منتخب مصر علي ما يكملوا سن 21 هيبقوا اكتسبوا خبره كبيره من الكبار الي ساعتها هيكونا اعتزلوا وبكرا تشوفا الاهلي بيعمل لقدام اما بخصوص الباكات مفغيش مشكله خالص لان اليمين فيه شريف وفتحي والشمال معوض وايمن والواد ده هيبقي احسن باك في مصر"، فيما اكتفى Mahmoud Refaat Amin بقوله :"يعني"، وأشاد محمد الوكيل بالصفقات قائلاً :"أجمد صفقات من 4 سنين".
وعلق العضو أنا هاجي على نفسي :" الاهلى كده كويس بس يوظف اللعيبه صح يعنى شوقى يلعب اساسى وفتحى يمين وعبد الفضيل بديل احمد السيد يا اما يعقد مش اساسى" ، وقال Ahmed Adel :"رأيي أثناء الدوري"، وأضاف HIMA 4EVER :" في المجمل مش راضي عن الصفقات ما جبناش مساك جامد و لا باكات - لأ ده احنا استغنينا كمان عن باك شمال من غير ما نجيب حد بداله - و لا مهاجمين تقال يعوضوا احتراف متعب..بس برضه لسه لما نشوف غدار كنا محتاجين لعيب ارتكاز تقيل و جبنا غالي و شوقي مع بعض مع كان كفاية نجيب واحد منهم بس .. كده بقي عندنا زحمة غير عادية ف المركز ده برضه بقي عندنا زحمة في مركز صانع الالعاب و جبنا شبانة !! بالرغم من ان الشباب اللي عندنا اولي بالفرصة أبو السعود صفقة مش بطالة و هيعمل منافسة ف حراسة المرمي .. بس اتوقع انه مش هيرضي يقعد احتياطي كتير لاكرامي و اكرامي برضه صعب يقعد له احتياطي"،
ولم يعجب العضو BryanAdams كثيراً بالصفقات الجديدة حيث قال :" صفقات سلبيه أكثر منها ايجابيه كنا فى أمس الحاجه لمهاجم أفريقى جاهز و مساك و باك يمين، بدلا من صفقات خط النص المكرره الحسنه الوحيده فى الصفقات هى صفقه حسام غالى أكبر كارثه الأستغناء عن جيلبيرتو و عدم وجود بديل له كنت اتمنى وجود مهاجم و تدعيم خط الدفاع"
وتحدث ياسر السماحي قائلاً :" رحيل جلبرتو والابقاء علي فرانسيس وقضية جدو أثروا علي فرحة الجمهور بالصفقات الجديدة ورأيي الشخصي ان حسام غالي هو انجح صفقات الموسم الجديد بإذن الله" ،وتحدث العضو زيزووو :" حسام غالي لاعب بيفهم وبيلعب بدماغة اكتر من مجهودة وشوقي افضل وسط مدافع في مصر بس مستواة نازل من سنتين بس لما يجهز ومع غالي فالأمور حتختلف في وسط الاهلي كتير جدو اضافة مميزة للمستقبل وليس الان غدار نتمنى ان يكون المهاجم المنتظر شبانة اعتقد التعاقد معاة كان غلط مع الاعتراف بمهارتة بس ملوش مكان عندنا ابو السعود ايضا صفقة للمستقبل وتحفيز جيد لاكرامي على التألق ومن ثم طلب الاحتراف وعدم تركنا للمهزوز وفاقد الثقة عادل"،
وعلق هيثم أمين محمد :" الاهلى كان محتاج تدعيم في الدفاع لان خط الدفاع مفهوش غير جمعة ومهاجم سوبر بدل عماد متعب وباك شمال بعد رحيل جلبرتو وجدو صفقة غير مريحة لان علية مشاكل، شوقى وغالى اضافة قوية جدا للفريق رغم وجود عدد كير فى هذا المركز ابو السعود مستواة ليس اعلى من اكرامى او احمد عادل ومش ح يلعب خالص وخسارة الفلوس اللى اندفعت فية، شبانة لن يفيد الاهلى ومش عارف مين اللى قال اننا نتعاقد معاه صفقة"، وعلق العضو yulanda :" اعتقد الاهلى السنه دى اهتم باسماء النجوم اللى بيتعاقد معاها اكتر من اهتمامه بالمراكز اللى احنا متاجينها ابو السعود : صفقه جيده جدا لان سنه صغير ولانه لاعب عنده ثقه، حسام غالى : لعيب كبير واعطى ثقل لخط الوسط ...اهميه غالى فى انه مش بس يقدر يلعب هاف ديفندر كمان يقدر يلعب تحت راسين الحربه وتمريراته متقنه محمد شوقى : مفيش شك صفقه مميزه جدا واعتقد انه وجود شوقى مع غالى فى خط الوسط اضافه كبيره لاى فريق ، جدو : صفقه مميزه لان مركز تحت راس الحربه عندنا محتاج تدعيم وتجديد دماء خاصه ان ابو تريكه مبقاش يقدر يؤدى زى الاول، شبانه : مش مقتنع بيه ومش شايف اننا كنا فى حاجه ليه فى ظل وجود شكرى وعفرتو وسعيود، غدار : صعب نحكم عليه لاننا مشوفنهوش بيلعب".
تابع باقي آراء الجماهير وتعليقاتهم على صفقات القلعة الحمراء