كعادة الجماهير المصرية المعروفة بخفة الدم الشديدة والتي تظهر في كل الأوقات ، سواء كانت مناسبات سعيدة أو غير ذلك .

خرجت معظم الجماهير بعد مباراة انبي والزمالك في نهائي كأس مصر والتي انتهت بفوز الفريق البترولي على الزمالك بهدفين مقابل هدف ، وقامت هذه الجماهير بكتابة بعض التعليقات الكوميدية على مواقع التواصل الاجتماعي المختلفة .

ودارت معظم التعليقات حول الكابتن حسن شحاتة وأيضاً أحوال الفريق الأبيض في السنوات الأخيرة بالاضافة الى بعض التعليقات الطريفة حول فريق انبي وأيضاً توظيف بعض العبارات الشهيرة التي تتردد في مصر حول المباراة وأحداثها . 

وفيما يلي أبرز التعليقات الموجودة على المواقع الإجتماعية :

• أن تكون أهلاوي فهي نعمة .

• الزملكاوي الحق هو الذي يثور حتى يصل للمباراة النهائية ، ثم يهدأ ليتسلم الميدالية الفضية .

• نفسى أشوف تغيير فى البلد .. و أشوف الزمالك بيأخد أى بطولة عشان أحس بالتغيير .

• الزمالك طالب بالتغيير بعد الثورة .. طب ما هو غير الفانلة عايز ايه تانى .

• عاجل | رصد | تم تجميد نشاط حمله افرحلك كام يوم بقالك 7 سنين محروم .. لحين الاستقرار علي عدد سنين الحرمان .

• حسن شحاتة عملها كالعادة و فرح مصر كلها .

• حسن شحاتة: رفضنا الفوز لانه ليس هذا هو الوقت المناسب للفرحة .

• نود ترشيح نادى الزمالك لجائزه نوبل كأفضل الانديه فى العالم  في المحافظه على المركز الثانى . ‎

• الكورة مكسب وخسارة لكن بالنسبة للزمالك خسارة بس .

• جمهورالزمالك قبل الماتش: بناديك تعالى .. بعد الماتش: تجربه وعدت .

• إنت مش إنبي .. مختار مختار هو اللي انبي .

• كله يشترك في حملة .. انبي بيتك .

• عاجل | رصد | وفاة عدد كبير من مشجعى الزمالك بعد خسارة الكأس اثر "سكته إنبيه" .

• الحياة بقا لونها انبي .

• والعاقبه عندكم في المسرات إن وجد .

• يعني ايه كوك زيرو .. يعني حسن شحاتة مخسرش ولا نهائي في حياته وخسر مع الزمالك .

• عايز فريق بطولات ؟؟ يبقى الأهلي ، عايز كورة حلوة ؟؟ يبقى الإسماعيلي ، زاهد في الحياة و مش عايز حاجة ؟؟ يبقى عليك و على الزمالك .

• نداء عاجل الي لاعبي انبي ، خلو لاعيبة الزمالك تتصور مع الكأس شويه ، محدش عارف هيشوفوه تاني ولا لا .

• لاعيبة الزمالك ولاد أصول برضوا مرضوش يزعلوا جمهورهم طول الكاس واستنوا اخر ماتش لما جمعوا الجمهور كله في ماتش واحد وقفلوا عليهم الاستاد ونكدوا عليهم .

• طلع يا ابني يافطة سنظل أوفياء من المخزن .

• الفقر فقر حتى لو جابوا المعلم والصقر .

• نأسف لعدم حصولك على المركز الأول .. فأنت غير مشترك في هذه الخدمة!