طالب محمود عبد الرازق "شيكابالا"، قائد فريق الزمالك، بضرورة التدخل العاجل لإنهاء أزمة أرض النادي بمدينة السادس من أكتوبر، مؤكدًا أن استمرار الوضع الحالي يهدد مستقبل القلعة البيضاء، داعيًا إلى تغليب "روح القانون" في التعامل مع الأزمة.
وقال شيكابالا، خلال ظهوره في برنامج "الكورة مع فايق" على قناةMBC مصر: "أرض الزمالك كانت معانا من زمان، وإحنا مش ضد القانون، لكن في حاجة اسمها روح القانون، والزمالك تعاقد مع جهات حكومية، والأكيد إنهم عارفين إن الأرض دي بتاعة الزمالك".
وأضاف "إحنا عاملين عقود بمبالغ كبيرة، وصرفنا جزء كبير منها على الفريق واللاعبين، ولو الأرض ما رجعتش، يبقى النادي كده هيقفل".
وشدد "بناشد الناس تقف مع الزمالك، لأنه نادي كبير وجماهيره بالملايين، ومين هيرجع العقود دي؟ ده خطر كبير على مستقبل الكيان".
وخلال الحوار، سأله الإعلامي إبراهيم فايق حول ما إذا كانت الأزمة بهذا الحجم وقد تهدد مستقبل النادي، ليرد قائد الزمالك:
"طبعًا.. بقالنا كام سنة بنقول الإسماعيلي هيرجع؟ وكل شوية يتقال إن في حد هيساعده، ومفيش حاجة بتحصل، وهل الناس مستنية الزمالك يوصل لمرحلة الإسماعيلي؟ الجمهور مش هيسمح بكده".
واختتم "علشان كده بناشد فخامة الرئيس عبد الفتاح السيسي بالتدخل، والموضوع ده مهم جدًا لنادي الزمالك وجماهيره".