تحدث إبراهيم حسن مدير المنتخب المصري عبر قناة أون سبورت عن أزمة إمام عاشور الأخيرة مع النادي الأهلي.وقال إبراهيم حسن:" إمام عاشور جواه طفل وطيب جدًا وممكن يكون حد يجي من فترة لفترة يديله معلومة غلط او يسخنه يقول عايز كذا، وبتكلم زيي زي أي مشجع وهل حصل دة بسبب ضربة الجزاء او التزامات عنده مثًلا".وتابع:" أنا زعلان وياريت إمام يبقى سامعني واحنا تعبنا علشان نوصل للفترة دي ولما جة المنتخب كان جاي تعبان وبدأنا من تحت الصفر، إمام عاشور ياريت يسمع ركز وكل حاجة كويسة هتجيلك وانت واقف على رجلك وتكسب فرقتك ولو هتبعد هترجع للصفر راجع نفسك بسرعة الوقت ضيق وعنده التزامات مع الأهلي ومنتخب مصر ولو الفورمة راحت وبدأنا من الصفر انت خسران وهتأذي المنظومة كلها انك من ضمن العناصر القوية".وأضاف:" هتلعب في مستوى عالي أعلى جدًا مستوى كأس العالم ولو مش جاهز هتعمل اي أتمنى يلتزم ويراجع نفسه ولما بيلتزم بيبقى حاجة تانية، أتمنى في الأهلي يبقى فيه إجتماع مع إمام ولو غلط يعتذر ومعرفش الموقف كان إيه انا متابع زيي زي أي حد ومتصلناش بيه لأن الموقف صعب".