أكد خالد الغندور لاعب الزمالك السابق على أهمية وجود مدير رياضي في نادي الزمالك قوي قادر على مساعدة الفريق في الوقت الحالي.
وقال الغندور في برنامجه على المحور: "أنا شايف إن لازم يكون فيه مدير رياضي في الزمالك سيبكم من الإيمدج والواحد يسيطر على كرة القدم في الزملك ويتصيت".
وتابع: "هاتوا مدير رياضي زي الأهلي ما جاب كابتن محمد رمضان جيبوا لجنة كرة لجنة تخطيط الكابتن ايمن يونس موجود وميدو موجود وحازم امام موجود همه اللي يختاروا ويقيموا ما يبقاش الموضوع كل واحد يجيب اللي عاوزه".
وأضاف: "ليه الزمالك يجيب مدرب أجنبي؟ ايه البطولات اللي انا داخلها؟ هو أنا داخل كأس العالم للأندية زي الأهلي مثلا ولا داخل بطولات عالمية انت بتلعب في الكونفدرالية البطولة الأضعف واللي هي مش قيمتك أساسا وانت بتسعى ترجع دوري الأبطال".
وزاد: "أقسم بالله عيب الزمالك يلعب سنتين في الكنفدرالية عيب، الزمالك سيد أسياد أفريقيا في القرن اللي فات ابتدى يستعيد بريقه يوصل نهائي يتغلب يكسب كونفدرالية يلعب سنتين في الكونفدرالية عيب".
ولفت: "عندي مشاكل مالية خلي السوشيال على جنب حضرتك ممعكش فلوس هتروح تجيب مدرب أجنبي ليه؟ هو انت هتلعب في كأس العالم للأندية انت هتلعب في الدوري بس والكونفدرالية كسبتها ومكنش معاك لعيبة".
واختتم: "انت لاقي فلوس تجيب مدرب بـ 100 ألف دولار وانت مش عارف تجدد لزيزو ولا الجزيري والمثلثوثي، مش انت السبب يا مجلس الإدارة ان جوميز مشي انت محطة بالنسباله".