تحدث طاهر محمد طاهر لاعب الأهلي عن كواليس الإصابة التي تعرض لها في ماتش باتشوكا ومنعته عن المشاركة في المباريات.وقال طاهر محمد طاهر عبر قناة النادي الأهلي في برنامج "حارس الأهلي": "انا مكنتش متخيل ان الاصابة هتبقي كبيرة اوي كده في ماتش باتشوكا كنت ضامم الباك دخل فيا الاول حسيت وشي وجعني مخدتش بالي ان في كدمة في رجلي".وتابع: "واتغيرت فني عادي وبعدين لقيت حاجة بتوجعني بعد ما اتغيرت وقعدت لقيت حاجة بتطلع كدة فوق ركبتي وبعدين عملت رنين والدنيا بتتحسن هي للاسف اصابة غريبة شوية مكانها رخم شوية فوق الركبة بالظبط".وأضاف: "ان شاء الله متطولش عن كده انا لحد دلوقت مبجريش لسه فالموضوع هيبقي طويل واهم حاجة ارجع سليم عشان لما اجي ارجع ميبقاش في حاجة مكتفاني ولما اجي اتحاسب اتحاسب وانا واقف على رجلي وعشان كده لازم اخد وقتي".