تغلب فريق بيراميدز على نظيره الزمالك بثلاثية نظيفة وذلك ضمن منافسات الجولة الحادية عشرة من الدوري الممتاز.

وقال عبد الحليم علي لاعب الزمالك الأسبق في تصريحات بعد المباراة: "أنت لاعب أناني انت عاوز كل حاجة ومش عاوز تدي حاجة، الجيل الحالي أقعد 6-7 شهور عشان اجدد مع لعيب ايه اللي بنسمعه ده، عشان الجمهور امضي اهو مش انت بتحب الزمالك، بتكلموني في خمسة انا هضحي".

وتابع:"النادي هو اللي عملك والجمهور اللي عملك انت محدش كان يعرفك ولا يعرفنا، خلي فيه دم شوية وانتماء شوية اذا ما اتولدش الانتماء اطلع بره النادي".

وأضاف: "لازم تكون قرارات قوية من الإدارة لعيبة راحت ولعيبة جت ومحدش يلوي دراعي محدش اكبر من النادي الموضوع ابسط مما تتخيل".

وزاد:"انت عملتلي ايه؟ انا بقالي 3 سنين مبلعبش دوري أبطال مخدش بطولة افريقيا بقالك اكتر من 20 سنة وملعبتش كاس العالم للأندية انت بتعمل فينا كده ليه".

وأشار: "انت بتعاقب الجمهور اللي بيشجعك في عز البرد والمطرة، بقالك 6-7 ماتشات بالشكل ده، خلي عندك شوية دم كده فيه جيل طالع بتحبطه ليه قبل ما تنزل غمض عينك وقول الجمهور مش هيروح زعلان".

واختتم: "عندي لعيب معندوش انتماء مشيه ولازم يبقى فيه قرارات واستبعاد لاعبين ومعنديش فلتة في الزمالك ومعنديش مارادونا في الزمالك".