انتقد خالد الغندور لاعب نادي الزمالك الأسبق إمام عاشور بسبب عدم احتفاله أمام غزل المحلة بعد إحرازه هدف التقدم على زعيم الفلاحين في المباراة التي أقيمت أمس ضمن مباريات الجولة الـ13 من مسابقة الدوري المصري.

وقال الغندور: "الصراحة انا مش فاهم إمام عاشور ، أقسم بالله ما فاهمه ، يعني امام عاشور جاب جون حلو جدا جدا بس مرضاش يحتفل عشان هو كان جاي من حرس الحدود للمحلة أو من المحلة لحرس الحدود وهو اساسا من المحلة فمرضاش يحتفل احتراما لجماهير المحلة".

وتابع: "بس اما بيجيب جون في الزمالك بيحتفل وبيقلع التشيريت وبيجري وبيعيط وبيصوت ، مش عارف والله ما فاهم لو حد فاهم يفهمني، هو انت يا امام يا عاشور بتجيب جون في المحلة فده فريقك فبتعتذر واما تجيب جون في الزمالك فبتفرح وبتموت نفسك وبتقلع التشيرت وبتاع يعني مش فاهم ايه الفرق يعني ما الزمالك ده كان ناديك برضو".