تحدثت عضو مجلس إدارة نادي الزمالك نيرة الحمر عن ذهاب اللاعبين وراء الأموال وماذا تفعل الأندية في تلك هذه الأزمة.
وقالت نيرة الأحمر عبر قناة الزمالك:" سامحوني أنا بقول كل حاجة مين غلطان ومين مش غلطان انا مش طالعة ادافع عن حد كلنا غلطانين وكلنا وحشين خلينا نبقي بنتكلم ان اخر الموضوع دة اية اخره فين نادي الزمالك ومش بس الزمالك لو بصيت هتلاقي ان كل الأندية الجماهيرية في مصر مبقاش حد مركز معاهم احنا المهم ان في نادي بعينه احنا بنركز معاه وواخدين بالنا عليه اصله بيمثل مصر".
وتابع:" يا جماعة الي بيمثل مصر هو منتخب مصر هو بس الي بيمثل مصر.. عشان اخد بالي من منتخب مصر لازم اخد بالي من كل الفرق خاصة الفرق الجماهيرية لو بتكلم علي الكرة 5-6 أندية مش اتنين علي فكرة لو باقي الألعاب عندك اتنين اندية جماهيرية عندك سبورتنج بينافس الجزيرة بينافس طلائع الجيش البنك الأهلي".
وأضاف:" طب ها وبعدين نفس القصة ونفس الموضوع ، طيب دة بالنسبة لسقف التعاقدات الي ضرب في السما، انت مبقيتش عارف تكلم لاعيب يقولك انت تمام ونادي جماهيري وبتاخد بطولات وعندك نجومك بيقفولك اصل النادي التاني عارض عليا عشر قروش انت بتقولي تلاتة دة في لاعيبة وصلت انت هتبقي برا الأسكور يا ابني ما انت هتطلع إعارة انت مش هتلعب هناك".
وأكمل:" اللاعيب يقولك ماشي منا هاخد فلوس فلوس كتير الي هي اصلًا ازيد بكتير من قيمتي التسويقية كلاعب ، طيب مين هيحط حد للمواضيع دي مين هيوقف المواضيع دي الموضوع صعب جدًا تخيل اما يبقي صعب علي الزمالك تخيل المصري الاتحاد الأندية دي هتعمل اية."