تحدث لاعب نيس الفرنسي محمد عبد المنعم عن المنتخب المصري في لقاء عب بين سبورت مسجل قبل إصابته بالرباط الصليبي.
وقال محمد عبد المنعم:" مجموعة المنختب كويسة وقوية بنستعد ليها ولكل الماتشات الي هنلعبها، كابتن حسام مدرب جيد بقالنا سنة مع بعض الأمور ماشية كويس كل ماتشات التصفيات ، وتصفيات كأس العالم بنبني جيل جديد ونبقى حاجة كويسة مع منتخب مصر ونرجع نوصل لأبعد حد في امم أفريقيا".
وتابع:" البطولة الي فاتت دخلناها وكنا بنقول معانا مجموعة ضعيفة وهنوصل للنهائي وكل الناس عمالة تتكلم في الإعلام أن المجموعة سهلة مكانش كدة خالص ظهرت منتخبات قوية زي الرأس الأخضر واتفاجئنا بيها في الماتش، الماتشات دي مش عاوزين نقول ماتشات سهلة زي السنة الي فاتت ونركز وعندنا هدف اننا نعمل حاجة مع المنتخب".
وأضاف:" كل الأجيال بصراحة مرموش مصطفى تريزيجيه مش عايز انسى حد كل الأجيال الي جاية بتوصل رسالة إننا محتاجين نعمل حاجة مع منتخب مصر،و مش عايز احط ضغط من دلوقتي وان شاء الله نبقى قد المسؤلية كلنا نتكافئ مع بعض زي بطولة الكاميرون".
وأكمل:" بطولة الكاميرون كنا كويسين مع بعض وبنلم بعض قبل كل الماتشات وكنا دايمًا بنسيب التلفونات وكل حاجة ونتجمع كان فيه اؤلفة كانت بين التيم كويسة أن شاء الله السنادي تبقى الأمور مختلفة ونتجمع ونضحي علشان خاطر منتخب مصر".