صرح وكيل اللاعبين نادر شوقي بأن نادي الزمالك كان دائما يعرض أرقاما للتجديد والتعاقد أكثر من الأهلي، موضحا بأمثلة للاعبين كثيرين.

وقال نادر شوقي عبر جول كاس:"الزمالك دايما كان بيعرض ارقام اكتر من الاهلي بكتير اوي بكتير اللي اتعرض على حسام اكتر من الاهلي اتعرض على عماد اكتر من الاهلي اتعرض على شوقي اكتر اتعرض على احمد فتحي اكتر من الاهلي".

وتابع: "الوقت ده كان الاهلي اكتر واحد ياخدله 2.5-3  مليون بس، والاهلي بيبقي عنده اعلانات احسن طبعا بس الزمالك كان بيدفع 8-10-12 مليون وطبعا ده فرق كبير".

وأضاف: الزمالك كان بيعرض 3 أضعاف الزمالك، واتعرض على متعب اد عقده في الاهلي 3 مرات ، كان بيخلص عقده في الاهلي خلاص ، كان عندي اتنين لاعيبة مكسرين مصر اللي هو عماد وعمرو ده كان بياخد واحد وده بياخد خمسة ودة كان بطولاته اكتر ودة كانت بطولاته اقل ودة كان بياخد هدايا وده لا علي حسب الدنيا ماشية ازاي في النادي".

وأكمل: "كله كله اتعرض عليه من خلالي ، حسام وهو راجع من النصر كلموه ، شوقي اه كلموه ، احمد فتحي رغم ان علاقتي معاه مش زي شوقي وعماد وحسام ، شوقي وحسام مجتمعوش بس خلي بالك امير مرتضي صاحب حسام وكده فممكن يمشوا الكلام".