حلل أحمد شوبير فوز الأهلي على بتروجيت بثلاثة أهداف لهدفين وذلك بعد عودة بتروجيت القوية وتقديم أداء قوي ولكن سرعان ماعاد الأهلي بفضل تغييرات النحاس.

وقال أحمد شوبير، في تصريحات عبر إذاعة «أون سبورت اف ام»: «المباراة امبارح حصلت تغييرات في الأهلي وسام أساسي بن شرقي اساسي وكوكا اساسي السولية اساسي، النقطة التانية بعد 15 دقيقة 2 صفر فحلو جدا ومفيش احسن من كده بس لازم نشيد ببتروجيت على عودتهم رشاد المتولي في الدقيقة 42 وايمنويل في الوقت بدل الضايع من الشوط الاول".

وتابع: "بسرعة اشتغل عماد النحاس ونزل جراديشار وسجل هدف مفيش اجمل من كده وكانت عائلته موجودة في الاستاد، وخلصت المباراة 3 -2 لصالح الأهلي".

أوأضاف: "ول اختبار للنحاس يفوز مش محتاج يتعرف على اللاعيبة عشان عارفهم بس الفوز بيجيب ثقة، وبن شرقي مهاجم جيد بس هو دفاعيا مش أحسن كده ومش بيدافع في كل الفرق اللي لعب فيها، هتظبطها ازاي ده مهم جدا".

وأكمل: "النقطة المهمة عمرو السولية انه يشارك ويسجل دي حاجة كويسة، افشة بعد ماكان متجمد بيلعب وكان هيسجل من ضربة حرة، وإمام وهدفه الملغي وجهة نظري عليه كتير من علامات الاستفهام، وسام بيسجل بعد فترة، والمنافسة مازالت موجودة على الدوري".

واختتم أنه يحسب لبتروجيت إنه عاد للمباراة بعدما كان خسران 2 صفر ولابد اننا نحيي سيد عيد ونحيي الفرقة كلها تخسر من الاهلي 2 صفر وتعود قبل الشوط ده مش سهل.