تحدث المدير الرياضي السابق للنادي الأهلي في تصريحات تلفزيونية عبر قناة إم بي سي مصر 2 مع الإعلامي إبراهيم فايق عن تجديد عقد الشناوي وياسر إبراهيم وموقف ربيعة.

وقال محمد رمضان:" محمد الشناوي ليه موقف يحسب ليه ان هو اتفقنا على أرقام ومضى على العقد من غير مننفذ أي حاجة هو وياسر إبراهيم، بعد الاتفاق قالي خلاص يا كابتن دة الي هتنفذه ومضى على عقد على بياض وياسر نفس القصة".

وتابع:" رامي ربيعة لسة متفقش مع الأهلي وليه طلبات، والمفروض موصلش لحد سنتين في الملفات دي رقم واحد بحسب أداء اللاعب عندي ايه رقم ٢ متوسط الأعمار وسن اللعيب الي بكلمه ايه".

وأكمل:" فيه لاعيبة ممكن أصبر معاها لأخر سنة وأتمنى اجدد معاها زي السولية سنه ٣٥ سنة فمش هينفع اعمله عقد سنتين".