طلب أحمد شوبير حارس الأهلي الأسبق بعمل مبادرة للأندية الجماهيرية للوقوف جنبا إلى جنب حتى لا تضيع الفرق العريقة وسط وجود أندية الشركات.
وقال الإعلامي أحمد شوبير حارس الأهلي الأسبق ومنتخب مصر في برنامجه "حارس الأهلي" على قناة الأهلي: هل الاندية الكبيرة أو بعض من الاندية الكبير يبقي ليها وقفة خصوصا من الاندية الاستثمارية ، الاهلي قدم ما عليه وممكن ان يقدم ايضا".
وتابع: "انا عارف ان شوية ممكن الكلام يعمل صدمة لجمهور الاهلي لكن الاسماعيلي الاتحاد ليها وزن يعني تقيل يعني ، هل بيراميدز سيراميكا البنك الاهلي هل ممكن يكون ليهم دور؟ وليه لا؟ هل ده وارد ، انا قولتلك حصل علي فكرة بايرن ميونخ وقف جنب بروسيا من قبل وفي عدة امثلة".
وأكمل: "اعتبروني بقول اي حاجة ، ده الاسماعيلي يعني ، اول فرحة ليا وانا عندي عشر سنين لما الاسماعيلي فاز ببطولة افريقيا لما كسب الانجلبير.".
وزاد: "ماهو الحل للنادي الاسماعيلي عمال أحسبها وانا بحضر للحل بقول كل مشجع 200 جنيه انا ممكن ادفع ألف غيري يدفع خمسين الف فيه المليون يبقي 200 مليون، ده بيقولولي الاسماعيلي عليه 7.5 مليون دولار انت بتتكلم في 450 مليون جنيه. انا مقدرش اقول للدولة اتدخلي".
وأِشار: "الجمهور مش مأثر الجمهور في الملعب، هل في عدد من رجال الاعمال ممكن يعملوا مبلغ كبير لصالح النادي الاسماعيلي هل الاندية وانا بتكلم بجد مش بهزر في بعض الدول المتقدمة لما بيكون في نادي كبير عنده ازمة والاندية الكبيرة بتقف زي ما حصل مع بروسيا دورتموند من قبل وعلي فكرة النادي الاهلي في قصة عمر الساعي معروفة كويس اوي..