صرح الإعلامي أحمد شوبير حارس الأهلي الأسبق ومنتخب مصر بأن فكرة الدوري مجموعتين كل مجموعة 12 فريق هيكون لع تأثير بالسلب على الاستثمار في الرياضة في مصر.

وقال شوبير عبر أون سبورت إف إم: " احمد شوبير عبر اون سبورت اف ام:" تعالي بقي شوف الكارثة اللي هتحصل وده اللي انا بحذر وهحذر وهقول وهصرخ لحد ما اوصل صوتي لآخر الدنيا".

وتابع: "هو انت بجد عاوز تصعد 6 فرق وتعمل 24 نادي 12 و 12 ، انا هنا بقي رايح لاتحاد الكرة لان دور الرابطة دوري ممتاز بس مالوش دعوة باللي قبله".

 وأكمل: "انت بجد عاوز تعمل كدة؟ صلاح عبد الله كان في مسرحية جميلة اسمها حمري جمري ، لا والله صحيح والله صحيح ، اللي انا بقوله دة صحيح.".

وأضاف: "عاوزين يعملوا دوري من مجموعتين كل مجموعة 12 نادي ، اتحاد الكرة ها ، وعاوز يلغي الهبوط في كل الدرجات وعاوز يعمل اوكازيون في الصعود ، اصعد اصعد اصعد ، يا ابني انت جاي بالتزكية يا عم انت مكنش عندك انتخابات ، نراضي الناس كلها ، تراضي اية دة انت في سنة كاس عالم وكاس امم افريقية!!"

وأكمل: "وبعدين خد بالك انسي الاستثمار في الرياضة ، ليه يا كابتن؟ ما اهو انت عندك كارثة بقي مجموعتين فالاهلي في مجموعة والزمالك في مجموعة وبعدين عندك بيراميدز هيبقي فين؟ والبنك الاهلي هيبقي فين وسيراميكا هيبقي فين ، سيبك من ده كله ان استثمار خلاص باظ ما خلاص مش موجودين بقي ، العب بقي زي ما انت عاوز"..

وزاد: "هيلغي الهبوط في دوري المجترفين؟ لا يا ريت ، دة هيلغي الدوري دة بالكامل ، يا نهار ابيض اة والله العظيم تلاتة ، الدوري دة كله هيتلغي ، امال هيعمل اية؟ 3 مجموعات 6 مجموعات 18 مجموعة زي ما انت عاوز تقول قول ، بقولك بيفكر يصعد 6 فرق دوري ممتاز"..

ولفت: "يعني قول وادي دجلة والمقاولون متصدرين بعدين كهربا اسماعيلية وابو قير ، وبعدين شوف طلع الرابع والخامس والسادس عاوزين العيال تفرح ، ما قولتلك احنا ممكن نلاقي الدوري 36 نادي زي فكرة عبد الحكيم الشلماني في لييبيا والتي دفع ثمنها غاليا بابعاده عن منصب الجمعية العمومية سحبت منه الثقة وقالوا دوري فاشل فاسد ويالا امشي ومشوا.".