تحدث الإعلامي أحمد شوبير عبر قناة النادي الأهلي عن موقف لاعب القلعة الحمراء أحمد عبد القادر وموقفه مع نادي الزمالك.
وقال شوبير :" فرص عبد القادر أنه يلعب بقت قليلة مع وجود تريزيجيه وبن شرقي القصة صعبة ، هقول كلام مش جديد بس تقيل ، أحمد عايز يمشي والأهلي منفتح أنه يجي عرض جيد".
وتابع :" الأهلي معندهوش مشكلة في كوبري ولا ترعة ولا قنايا الأهلي بيحسبها طبقا لصالح الفريق ، عبد القادر كان راح قبل كأس العالم قالوله نلتقي بعد كاس العالم هو استقر علي الرحيل والنادي مش رافض".
وأضاف:" المعلومات اللي عندي واللي قد تكون مؤكدة وأنا متاكد منها ولو طلعت غلط أنا بعتذر من دلوقتي ، عبد القادر رغبته الأولى اللعب في د الزمالك ودي رغبة مشروعة وجلس أكتر من مرة مع مسئولي الزمالك وبيدورو ازاي تخلص القصة يعني".
وأكمل حديثه قائلًا:" النادي الأهلي أراح الجميع وطلب عرض جيد بفلوس جيدة معنديش مشكلة يا أما هتدخل في المنافسة ، لكن عبد القادر عايز يلعب في الزمالك نعم جلس مع المسئولين في الزمالك اكتر من مرة نعم".
وأزاد :" عبد القادر عايز يبقى في النادي وعنده استعداد يبذل الجهد والعرق قال الكلام دة حصل الكلام دة ، والناس في الزمالك بيتفاوضوا مع عبد القادر رغم أن عقده مكمل هيتقال أثبت ومثبتش ودة لاعب عندك وبيتم التفاوض معاه".
وأردف :" الأهلي لن يترك أحمد عبد القادر إلا بالقيمة المناسبة لرحيله وقال أن هناك عرض جيد من نادي الحزم وإن كنت سمعت أن نادي الخزم تراجع ، الموقف اية إذا مجاش عرض جيد واذا مخرجش بالإتفاق مع الأهلي هيتمرن موجود هيتمرن مع الفريق وعليه أن يثبت نفسه ويؤكد أنه لاعب من الطراز العالي وجميل التنافس ايًا كان مع مين".