تحدث لاعب الفريق الأول لكرة القدم بالنادي الأهلي السابق السيد حمدي عبر قناة أون عن ما حدث من مصطفى يونس وإحالته للتحقيق من قبل القلعة الحمراء.
وقال السيد حمدي :" رد فعل الأهلي تجاه مصطفى يونس طبيعي على عضو اتهم المجلس بأمور لا يجوز ان تذكر على الشاشات ولا تليق بكابتن الأهلي ومنتخب مصر وقضى حياته كلها في الأحمر".
وأضاف :" مش متعودين من نجوم الأهلي أنهم يتهم المجلس بعمولات وسمسرة على المنصات ومصطفى يونس عيب منك كدة وواحد من الجمهور مستغرب واول مرة أشوف حد بيهاجم الأهلي وأنا بهاجم في الأمور فنية وأنا مش جهة اتهام علشان اتهم في أمور تانية ليها جهة مختصة".
وأكمل:" لو فيه مستندات أقدمها للجهة المختصة وازاي انا ككابتن ازاي اهاجم الأهلي قدام الجمهور ومتعودين اي حاجة جوة والنادي وانت عضو جمعية عمومية وليك حق تتكلم جوة النادي مع الإدارة".
وأزاد :" هناك جمعية عمومية اختارت رئيس نادي على المستوى الأخلاقي محترم ومحقق جميع البطولات وهجوم كابتن مصطفى لا يصح من واحد كان كابتن في النادي الأهلي".
وأردف :" مصطفى يونس لبس تيشيرت الزمالك في القناة ومع إحترامي للزمالك ولكن انت هاجمت الأهلي إزاي الجمهور هيساندك وانت خسرت القاعدة الجماهيرية وكل حاجة".
واستكمل حديثه قائلًا:" سمعت أن نجل مصطفى يونس كان موجود في الأهلي ومجلس الإدارة استغنى عنه ودة ممكن يبقى سبب لأن مش لاقي مبرر والكلام دة قديم".