ترددت أنباء الأيام الماضية القليلة أن نادي بيراميدز يرغب في التعاقد مع حارس مرمى الفريق الأول لكرة القدم بنادي الزمالك محمد صبحي خلال الفترة القادمة.وقال محمد صبحي عبر إنستجرام: "متستغربش لما تلاقي حد كارهك وانت معملتش معاه أي حاجة وحشة، ولا تتصدم لما تعمل الخير مع حد ويردهولك في الآخر أذيه ، نفوس الناس مش زي بعضها وفيه قلوب كتير حوالينا مليها الحقد والغل فمش كل الناس هتحبك وتتمنالك الخير". وأضاف : " مهما قدمتلهم حاجات حلوه مهما كان قلبك أبيض وبيحب الخير للكل هتشوف وحش في عيون ناس كتير، مهما كانت تصرفاتك تلقائية وطبيعية!! ناس هتشوفها مقصودة ومدروسة ، حتى جدعنتك اللي بالفطرة هتتحسب منظرة وحب الظهور مش كل الناس هتحبك متحبكش على حقيقتك ولا كل الناس هتشوفك زي مانت، ناس كتير جدًا بيشوفوك بطباعهم وسواد قلوبهم".واختتم قائلًا: "إحنا في زمن العجايب الغدر متوقع امشي زي مانت وراعي زي ماتربيت ومتستناش خير من حد وإياك تعافر عشان تثبت لحد إنك كويس ومش مهم أبدًا تكون عند الناس ايه!! ، ولا هما بصينلك ازاي لينا رب هو اللي عارفنا وشايف قلوبنا وعارف نوايانا وهو ده بس المهم".