تحدث الإعلامي أحمد شوبير، خلال برنامجه "حارس الأهلي" على قناة النادي الأهلي، عن الأسماء التي ارتبط اسمها مؤخرًا بتدريب الفريق الأول لكرة القدم بالنادي، وعلى رأسها البرتغالي جوزيه مورينيو والألماني ماركو روزه.

وقال شوبير: "الأسماء اللي انت سمعتها.. جوزيه مورينيو اللي لسه مقال من فناربخشة ولسه واخد شرط جزائي 15 مليون يورو. ماذا حدث في موضوع مورينيو؟ بعض شركات التسويق سارعت وقالتله النادي الأهلي وبيتكلموا عنك. هو نفسه قال أنا سمعت:

وتابع: "وبعدين قالك ده المرتب أكتر من 11 مليون يورو. ولم يحدث أي اتصال من الأهلي مع جوزيه مورينيو، لم يحدث أي اتصال من طرف أي حد في الأهلي. جوزيه مورينيو قالك أنا جالي عرض من الأهلي ورفضته.. لا، مجالكش عرض يا عم مورينيو، دي شركة تسويق كلمتك. الأهلي ميزانيته لا تتحمل المرتب ده سنويًا يعني."

وأضاف: "ماركو روزه دايمًا اسمه بيبقى موجود، وعلى فكرة الأهلي بيتفاوض معاه دايمًا. لكن هناك عائق رهيب جدًا، إن الراجل عاوز 6 مليون دولار سنويًا.

وأكمل: "بتكلم في رقم تقيل بالنسبة لينا هنا، يعني لما المدرب بستة مليون في السنة صعب جدًا. لكن إذا تم تخفيض الرقم من ماركو روزه ممكن يبقى في فرصة لتواجد المدرب في النادي الأهلي."