عبّر الإعلامي أحمد شوبيرعبر إذاعة "أون سبورت إف إم"، عن استغرابه من الأحاديث التي تتحدث عن مفاوضات النادي الأهلي مع اللاعب إبراهيما مايلي، خاصة الأرقام الكبيرة التي يتم تداولها بشأن راتب اللاعب. 
 

وقال شوبير في تصريحاته: "الحقيقة أنا برضو بستغرب جدًا من الكلام اللي بيطلع إن الأهلي بيفاوض إبراهيما مايلي، وإنه وصل معاه لثلاثة مليون دولار في السنة وهو رفض وعاوز 4 ملايين دولار. طيب هل ده كلام ممكن حد يصدقه؟ ثلاثة مليون دولار يعني 150 مليون جنيه في السنة، وبعد كده عاوز أربعة مليون دولار يعني 200 مليون، ولو لعب 3 سنين يبقى 600 مليون جنيه في 3 سنين." 
 

وأضاف: "يا جماعة، في كلام لازم يكون في حدود نستوعبه أو نعرف نهضمه، أنا مش عارف الأمر صعب شوية يعني."