أكد محسن صالح، رئيس لجنة التخطيط بالنادي الأهلي سابقًا، أن حسام غالي، عضو مجلس الإدارة سابقًا هو المسؤول عن التعاقد مع سواريش.وقال صالح في تصريحات لبرنامج أقر وأعترف، الذي يقدمه الإعلامي أحمد شوبير:"الخطيب اصدر قرار ان الشركة مع حسام غالي هما اللي يتولوا عملية البحث عن مدرب ، قال اللجنة مفيهاش شغل في الموضوع دة الراي هيكون لـ حسام غالي والشركة فالشركة وحسام غالي اتحركوا وتعاقدوا مع سواريش."وأضاف: "حسام غالي كان عنده ادوار داخل النادي؟ ماهو دة دور من الادوار وبيسافر مع الفريق وكان بيحضر التدريبات مكنش مهمش كان ليه دور لكن يمكن هو كان بيبحث عن دور اكبر من كدة او صلاحيات اكتر من كدة ، فدة مثل من الامثلة انه كان مسئول عن البحث عن مدرب مع الشركة وهو بالفعل اللي اتعاقد معاه."