أبدى حسن شحاتة اعتراضه على فكرة التعاقد مع المدربين الأجانب، وذلك خلال ظهوره مع الإعلامي مهيب عبد الهادي، تعليقًا على تعاقد الأهلي مع مدرب مغربي لقيادة الفريق.

وقال شحاتة: "المدرب المغربي مدرب أجنبي، وأنا بعترض على كل المدربين الأجانب، مفيش حد بياخد بطولة إلا المدربين المصريين، وأنا معترض تمامًا على حتة المدرب المغربي أو الأجنبي، ده يعتبر أجنبي ما تقوليش عربي، ده مدرب أجنبي".

وخلال الحوار، كشف مهيب عبد الهادي أن المدرب يتقاضى 225 ألف يورو برفقة جهازه المعاون، ليرد أحمد سليمان قائلًا: "جاي بالرقم ده؟ ده معتمد نعمة وبركة ونعمله تمثال عندنا"، قبل أن يعلق مهيب: "وحياتك معتمد ماتشين وهتمشوه".

وتطرق الحديث إلى موقف الزمالك من تجديد عقد معتمد جمال، حيث قال حسن شحاتة: "هو أنتم عاوزين تجددوله؟ أنتم لغاية النهارده ما جددتوش لمعتمد". ورد أحمد سليمان: "الناس مش واخدة بالها"، ليقاطعه شحاتة: "مش واخدة بالها إيه يا أحمد؟"، فأجاب سليمان: "الدوري خالص بقاله أسبوع"، قبل أن يرد شحاتة: "الدوري بقاله أكتر من أسبوع وأنتم مش عاوزين حتى تقولوا إن احنا هنجدد". واختتم سليمان حديثه بقوله: "إن شاء الله يبقى موجود يا كابتن".