واصل مصطفى شوبير، حارس مرمى النادي الأهلي، حديثه الحصري للصفحة الرسمية للنادي الأهلي عقب تجديد تعاقده، ملقيًا الضوء على سر ثباته في المحافل العالمية، وموجهًا رسائل ملهمة لناشئي النادي وجمهوره الوفي.
وأكد شوبير أن التواجد داخل القلعة الحمراء يمنح اللاعب مناعة وطبيعة خاصة تُسهل عليه التكيف مع المستويات العالمية ومواجهة كبار نجوم اللعبة دون أي رهبة.
حيث أوضح شوبير أن معايشة الأجواء الكبرى في سن مبكرة، سواء في بطولات كأس العالم للأندية أو المباريات الودية ذات الطابع الرسمي، صقلت شخصية اللاعبين وجعلت المنافسة في المستوى العالي أمرًا طبيعيًا: "فكرة إنك بتلعب في الأهلي بتخليك واخد على الأجواء دي.. لعبنا قدام ميسي ورأينا نوير اللي مغير ستايل حراسة المرمى وأنت عندك 20 سنة. أساس مستوى المنافسة ده أنت شفته قبل كده، فلما بتوصل له بيبقى الموضوع بالنسبة لك أسهل."
واستعاد حارس الأهلي ذكرياته في فرع مدينة نصر، موجهًا نصيحة ثمينة لشباب القطاع ومستشهدًا بنموذج زميله حمزة عبد الكريم الذي احترف مؤخرًا بأوروبا: "فرع مدينة نصر حاجة مميزة في قلبي.. الأيام بتجري بسرعة، ومرة واحدة هتلاقي نفسك بتلعب في الفريق الأول والجمهور بينده باسمك. أتمنى من كل لعيبة الشباب يركزوا وياخدوا بالأسباب، اتمرن كويس ومن هنا هتبقى بدايتك الحقيقية.
واختتم مصطفى شوبير حديثه بتقديم الشكر لجمهور الأهلي، مطالبة إياهم بملىء الملاعب ومواصلة الدعم تحت أي ظرف من أجل حصد جميع ألقاب الموسم: "أنتم الدعم الأول لينا ونفسنا الاستاد يرجع يتقفل زي زمان. خليكم دايمًا مساندين للفريق على شعار «على الحلوة والمرة معاه» أيًّا كان مين بيلعب، وبنوعدكم هنقدم كل حاجة عشان ناخد كل البطولات."