ميدو: انت كلمت طوب الأرض عشان تشتغل في زد.. والناس رفضت لأنهم عارفين إنك تافه



شنّ أحمد حسام ميدو، قائد الزمالك ومديره الفني السابق هجومًا شرسًا على الإعلاميين بقناة الزمالك بعد هجوم أفراد الاستديو التحليلي لمباراة الأبيض أمام وادي دجلة على اللاعبين.

وكان خالد الغندور، مقدم الاستديو التحليلي والبرنامج الرئيسي بقناة الزمالك قد هاجم ميدو، حيث أوضح أنه لا يصح أن يقوم الأخير بتعليم "كباتنه" بعدما أصبح عضوًا في مجلس إدارة زد ومستشارًا في بيراميدز واختار مستقبله في صغره دون علم النادي.

ورد ميدو عبر برنامجه على قناة النهار :"(سوء الإدارة هو اللي ممكن يودي اي نادي في داهية، قولت الكلام وهقوله انهاردة تاني عشان الناس الجهلة اللي مبتفهمش، اللي بتطلع تتكلم ومش فاهم هما واخدين شهادات جامعية ازاي !)".

وأضاف :"(قناة النادي الرسمية هي المتحدث الرسمي باسم مسئوليها، بالذات لو انت موظف في النادي وشغال في النادي، ده معناه إن انت بتتكلم باسم مجلس الإدارة.. أرجوكم افهموا.. مفيهاش بقى لا كباتن كبار ولا صغيرين، تاريخكوا على دماغي من فوق)".

وتابع :"(مفيش جدال إني بحترمكم، لكن فيه ناس مغيبة لازم تفهم، الكلام اللي بيتقال في قناة النادي بتهاجم فيه اللاعيبة والمدير الفني ده معناه إن الإدارة بتهاجم اللاعيبة والجهاز الفني)".

وواصل :"(مفيش ولا قناة نادي في العالم بما فيها قناة الأهلي بيطلع ناس فيها تهاجم اللاعيبة حتى وهما بيتغلبوا، المدير الفني يلم وراك ازاي ؟.. اخر حاجة عاوز اعملها اني اهاجم قناة ناديا، لاني راجل زملكاوي لكن لما يبقى فيه جهل لازم انورلك دماغك.. فكر متبقاش جاهل)".

وأكمل :"(برشلونة بيتغلب من طوب الارض قناة النادي بتشيد باللاعيبة بتقول معلش هنكسب الماتش الجاي.. الأهلي اتغلب من سيمبا ولعب ماتش وحش جدا الناس طلعت قالت معلش هنكسب الماتش الجاي)".

وأردف ميدو :"(انت بتتكلم بتقول إن أنا شغال في زد ؟ إنت كنت هتموت وتشتغل في زد، وكلمت طوب الارض تيجي تشتغل مدير كورة في زد، والناس رفضت لانهم عارفين إن انت تافه".

وأتم :"(عارفين إنك مينفعش تاخد المسئولية بتاعة الحتة دي.. متجيبش سيرة ميدو، اسمع كلامي، لان انتوا بتقولو كلام بتخلوا الناس مغيبة، بنكلمكوا في حاجة في مصلحة النادي وانتوا عاوزين تقلبوه موضوع شخصي)".

استطلاع الراى


توقعك من يواجه الأهلي في ربع نهائي دوري أبطال أفريقيا
كأس مصر - 2020/2021