صرح محمد رمضان، المدير الرياضي السابق للنادي الأهلي، بأنه طول حياته لم يركز مع الإعلام سواء عندما كان لاعبا أو إداريا، ولم يتابع تصريحات كولر عن الصفقات في الاعلام.

وقال رمضان في تصريحات على قناة "ام بي سي مصر 2": "وأنا بلعب عمري ما ركزت مع الإعلام ولا لما كنت مدير رياضي، بس انا فكري كده يعني مثلا لما كنت بلعب ف الترسانة كنت نجم الترسانة والمميزين فيها فمعظم الصحفيين كانوا بيتعاملوا معايا كنجم وكانوا بيسيطوني عمال على بطال حتى لو كان حد احسن مني"

وتابع: "تيقنت انها بالمشاعر، ومش حقيقية يعني لو صاحبي ومعرفتي بيه كويسة لعبت وحش ميجيبش سيرتي ولو كويس يكسر بيا الدنيا".

وأَضاف: "يعني مثلا كان فيه ماتش الترسانة كسبت المنيا 2-1 وكان مهددا بالهبوط فلما كسبنا قعدنا في الدوري، واخويا كان معايا في الماتش ده، والجماهير مش عاوزة تخرج اللاعيبة عشان عاوزاني تحتفل بيا فاللاعبين خرجوني غصب عني".

وتابع: "تاني يوم الماتش لاقيت اخويا بيقول ايه الماتش اللي زي الزفت اللي عملته ده، قلتله انت بتهزر قالي لاء بص الجرنال كاتب ايه وطلع مكتوب رغم ان محمد رمضان مسجل هدفين الا انه كان اسوأ ما في المباراة، فبقت عندي عقدة من الاعلام وتأثيرها".

وأكمل: "تصريحات كولر عن الصفقات لم أتابعها بس لو كان فيه شكوى أو حاجة كنت بتابعها انما معرفش كان بيقول ايه في الإعلام بخصوص الصفقات".