كشف الإعلامي أحمد شوبير حارس الأهلي الأسبق ومنتخب مصر عن السبب وراء اجتماع الاتحاد المصري لكرة القدم مع الأندية يوم 20 من الشهر الجاري.
وقال شوبير عبر أون سبورت إف إم: "لو بتفهم في الفوازير خليك معايا لأن عندي كام فزورة دلوقت ولو حد شاطر يحلها معايا عشان عاوزين حد شاطر يعرف اللوائح والامور دي".
وتابع: "اتحاد كرة القدم المصري دعى الاندية يوم 20 فالنهاردة 15 واتحاد الكرة اجتماع يوم 20 في مقره في مشروع الهدف في اكتوبر وارسل الدعوة رسميا واعلنها رسميا علي صفحته وموقعه"..
وأضاف: "عشان شكل الدوري الجديد ، انا تساءلت من يومين هو الدوري ده من صلاحيات الرابطة ولا الاتحاد حد يرد عليا ، ايوة ، الرابطة ، طيب الاتحاد دوره ايه؟".
وأكمل: "ماهو دور الاتحاد في هذا الامر هل هو اللي بينظم الدوري؟ طيب الدوري مسئولية الرابطة ، فمن الذي يدعوا الي اجتماعات ، الرابطة يا كابتن ، بناء عليه قررت الرابطة امس ليلا الي اجتماع يوم 18."
وزاد: الااااااااه ، يوم 18 الرابطة؟! امال الاجتماع بتاع الاتحاد بتاع يوم 20 دة ، فوزاير شهر رمضان ، الاتحاد دعى اجتماع يوم 20 الرابطة دعت يوم 18 الرابطة هي المسئولة عن الدوري العام فاجتماع مين اللي هيتم الاول ".
ولفت: "اجتماع الرابطة اللي هيتم الرابطة دعت رؤساء الـ 18 نادي انت فاكر السنة اللي فاتت لما دعوا الاندية وطلعوا بالشكل دة وكل دة جميل وموافق عليه باستثناء انهم يبقوا 19 نادي او تتغير بشكل تاني تبقي زوجي 10 و 8 وتعكسها 10 هبوط و 8 بطولة"..