أكد الكابتن سامي قمصان، المدرب العام في الجهاز الفني للنادي الأهلي، أن حارس الفريق مصطفى شوبير سبق وأن طلب الخروج على سبيل الإعارة، إلا أن الجهاز الفني رفض هذا الطلب، مؤكدًا أن البقاء داخل الفريق يمنحه خبرات أكبر وفرصًا مستقبلية للمشاركة.

وقال قمصان، خلال تصريحاته لقناة الأهلي:"مصطفى شوبير جه في وقت وقال لي: أنا عاوز أطلع إعارة. رديت عليه: لا، متطلعش. الإعارة فيها ريسك، وممكن متتوفقش، لكن وجودك هنا في الأهلي بيديك خبرات مهمة."

وأوضح:"المدرب الأجنبي بيحدد الحارس رقم 1، والحارس الثاني بيلعب في كأس الرابطة والمباريات الأقل ضغطًا، ولو الحارس الأول رجع يبقى مكانه محفوظ، وده طبيعي وبيحصل في كل فرق العالم."

وتطرق قمصان إلى وضع الحراس خلال الفترة الماضية، مشيرًا إلى أن المعيار الأساسي في النهاية هو تقارب المستوى والجهد في التدريبات.

وقال: "اللي حصل مع مصطفى حصل قبله مع علي لطفي. لما الشناوي جاله كورونا، علي لعب ماتش الزمالك وصد ركلة جزاء في الدقيقة الأخيرة وكسبنا. وبعدها لما الشناوي رجع، كان عندنا ماتش سموحة، وموسيماني وقتها قال لا، الشناوي هو الحارس الأول."

وشدد قمصان:"كل دا بيحصل لحد ما تحس إن المستويات قربت من بعض، وساعتها بتبدأ المنافسة الحقيقية على المركز."