أقر إبراهيم نور الدين، الحكم الدولي السابق، بعدم احتساب هدف صحيح لصالح النادي الأهلي في إحدى مبارياته الهامة.

ووجه شوبير، مقدم برنامج أقر وأعترف، المذاع عبر قناة النهار الرياضية، سؤالًا للحكم السابق جاء كالتالي:

شوبير: تقر وتعترف ان في مباراة الاهلي وطلائع الجيش كان عندك قناعة تامة ان الاهلي كان ليه هدف صحيح بنسبة 100% لكن المساعد مدالكش والفار تقريبا كان ساعتها دخل وبرضو مدالكش ان الكرة هدف ؟

ورد نور الدين: لما شوفتها بعد الماتش تاكدت ان هي هدف لكن الحكم المساعد اللي هي واجباته انه يشير ان الكرة تخطت مقاليش ، الحكم المساعد من واجباته الاساسية انه يشير للحكم الكرة تخطت خط المرمي من عدمه وجيه الفار ساعده فالحكم المساعد ولا الفار يعني ، دة خطأ."

ليعلق شوبير: "بس دة خطأ ضيع علي الاهلي الدوري. لا انا بتكلم هنا في الخطا اللي مرصود قدامنا بتكلم في كرة انت كحكم بتقول لما روحت تاكدت انها هدف مين كان المساعد؟."

وهو ما أجبر إبراهيم نور الدين على الر: "والله ما فاكر بس عشان انا حقاني ، طالما معملتش حاجة متعمدة فـ كلنا بشر ، وعلي فكرة انا اتحمل الخطأ لان في الاول والاخر حكم المباراة مع انه مش خطأي ماهو انا الحكم انا صاحب القرار الاول والاخير انا لو كنت عملت مجهود اكبر ودخلت منطقة الجزاء وقربت كنت هشوف احسن من الاتنين."

شوبير: "دا انت شجاع قوي."

ليرد نور الدين: "بس الفار كان لسة داخل جديد وكنا بنرمي بقي عليه لما عرفنا ان الامور هتصعب رجعنا لقديمنا."