وجه مروان عطية، لاعب وسط الفريق الأول لكرة القدم بالنادي الأهلي، رسالة إلى جماهير القلعة الحمراء، مؤكدًا أن الفريق يسعى لتقديم موسم مختلف وتحقيق البطولات وإسعاد الجماهير.
وقال مروان عطية إن الموسم الماضي لم يكن على مستوى طموحات جماهير الأهلي، مشددًا على أن اللاعبين لديهم رغبة قوية في التعويض خلال الموسم الجاري.
وأضاف: «إحنا الموسم ده إن شاء الله بنحاول نسعد جمهورنا بحاجة كويسة وحاجة محترمة، وعارفين إن الموسم اللي فات ما كانش أحسن حاجة، بس هي الكورة كده».
وتابع: «الأسد يموت ولا يموت، ورجعة الأهلي زي ما بيقولوا بألف قومة، وإن شاء الله نعمل حاجة كويسة السنة دي».
وأشار مروان إلى أن الفريق يمتلك عناصر جديدة إلى جانب أصحاب الخبرات، قائلًا: «في صفقات جديدة ولاعيبة كويسة، واللاعيبة الموجودة في الفرقة القديمة لعيبة كبيرة، وإن شاء الله السنة دي يكون فيها فكر جديد ونظام جديد».
وأكد أن هدف الفريق هو المنافسة على جميع البطولات، قائلًا: «إن شاء الله تبقى سنة مختلفة وناخد فيها كل حاجة ونفرح جمهورنا».
وعن سر التزامه داخل الأهلي، أوضح مروان أن النادي يعتمد على نظام دقيق في كل التفاصيل، بداية من التدريبات والمباريات والمعسكرات والسفر، وصولًا إلى التغذية والنوم والحياة خارج الملعب.
وقال: «لازم دائمًا تبقى مصفي ذهنك لكل ده، والأكل بحساب، والنوم بحساب، وتفكيرك حتى برة الملعب لازم يكون بحساب».
وفي ختام حديثه، وجه مروان عطية رسالة مباشرة لجماهير الأهلي: «إن شاء الله نفرحكم السنة دي، وأنتم الدعم الأول لينا، وأنتم اللي دائمًا بتسندونا في الملعب».
وأضاف: «عاوزينكم في ظهرنا دائمًا، وإحنا إن شاء الله، من أكبر لاعب لأصغر لاعب، مش هنقصر في حق النادي ولا في حق تيشيرت النادي الأهلي، بكل نقطة عرق».
واختتم: «نوعدكم السنة دي إن إحنا نعمل حاجة كويسة وحاجة محترمة تليق بالنادي وجمهوره ولاعبيه».