كشف عصام عبد الفتاح، رئيس لجنة الحكام، عن تحركات اللجنة لاستقدام طاقم تحكيم أجنبي لإدارة مباراة القمة، مؤكدًا أن هناك عددًا من الاتحادات التي تمت مخاطبتها، مع انتظار الردود خلال الفترة المقبلة.
وقال عبد الفتاح، خلال مداخلة مع الإعلامي هاني حتحوت: «ممكن يكون في حد موافق وهيرد علينا في أسرع وقت بالأسماء، وهنقارن بعد الموافقات التانية اللي هتيجي ونشوف».
وأضاف: «إحنا بعتنا للألماني والإيطالي والإسباني والإنجليزي والبرتغالي»، مشيرًا إلى أن هناك اتحادات قد يكون من الصعب عليها إبعاد حكامها في توقيت مباراة 11 أكتوبر.
وتابع رئيس لجنة الحكام: «إحنا عاملين بسرعة شوية على الموضوع، لأن الناس بتحاول تدخل داخل لجنة الحكام وتشوف بيعملوا إيه، فخليني عشان خاطر دي مفيش أي مشكلة، إحنا شغالين جدًا».
وفيما يتعلق بمستوى التحكيم في الدرجات الأدنى، أكد عبد الفتاح أن الأخطاء ستظل موجودة، منتقدًا في الوقت نفسه الحديث عن تكرار أخطاء بعض الحكام، قائلًا: «كان فيه حكم بيلعب من خمس ماتشات، بيلعب أربع ماتشات سالي فاتت نفس الفرقة، وفيه حكم ملعبش طول السنة الفرقة، وفيه حكم لعب ماتش واحد، جاي تقولي مش عارف إيه؟ خليك حقاني».