كشف محمود جنش، حارس مرمى الزمالك السابق، عن كواليس صعبة مرّ بها خلال بداياته في القلعة البيضاء، مؤكدًا أن الأمور المادية كانت تمثل عبئًا كبيرًا عليه خاصة في السنوات الأولى من مشواره الكروي.

وأشار جنش، خلال ظهوره في بودكاست مع عبد الرحمن مجدي، إلى أنه لم يكن يحصل على مستحقات كافية، قائلًا: "وأنا بلعب في الزمالك مكنتش باخد فلوس، تحديدًا أول 4 سنين كنت باخد حاجات قليلة جدًا. عقدي كان 150 ألف جنيه بالضرائب ونسبة مشاركة، وكنت مش بلعب، فكانت بتصفى على 70 ألف جنيه بس".

وأوضح أنه في السنة الثانية زاد عقده إلى 200 ألف جنيه لكنه ظل غير كافٍ، مضيفًا: "المفروض لما مضيت مع الزمالك كنت متفق على 600 ألف، لكن اللي خدتهم فعليًا كانوا 150 بس. كنت بتحرج في الفلوس، فكنت باتفق على مبلغ وآخد ربعه بس".

وروى جنش موقفًا صعبًا مر به قائلًا: "في مرة كنت في إسكندرية ومعيش فلوس أرجع بيها القاهرة، وكابتن حسن شحاتة هو اللي بعتلي فلوس. وفي فترات كنت بجوع حرفيًا، مكنش معايا آكل، كنت بعيش على مولتو وكشري".

وأبدى جنش تقديره لبعض المواقف الإنسانية اللي حصلت له، قائلًا: "فيه ناس عملت معايا حاجات كويسة جدًا، وممكن الناس تنسى ده، بس أنا عمري ما هنسى، ومعلمة معايا جدًا".