تحدث الإعلامي أحمد شوبير عن ملفين مهمين يشغلان الرأي العام، هما وسام أبو علي وحمدي فتحي، مؤكدًا أن هناك تطورات واضحة في ملف لاعب الوسط الدولي.وقال شوبير: "في موضوعين مهمين جدًا بيشغلوا الرأي العام موضوع وسام أبو علي وحمدي فتحي، نبدأ بحمدي فتحي لأن دي الأخبار المؤكدة بنسبة مية في المية، حمدي فتحي هي إن اللي حصل قبل الإنتركونتيننتال مسؤولو نادي بيراميدز اجتمعوا مع مسئولي الوكرة في الدوحة وهو الراجل قالك أنا محتاج حمدي جدًا واحد أعمدة الفرقة ومستحيل نسيبه السنة دي".وأضاف: "نادي بيراميدز كان محتاجه جدًا قبل موضوع الإنتركونتيننتال وكانوا شايفينه مهم وما زالوا شايفينه مهم، ونادي الوكرة اعتذر بمنتهى الأدب وقالهم لو السنة الجاية لو حمدي عنده الرغبة يمشي مش هنقف قدامه، والدوري هناك بيخلص في شهر أربعة والكرة في ملعب حمدي فتحي".وتابع شوبير: "لو هو موافق يمشي بيراميدز مرحبين إنه ينضم خصوصًا بعد رحيل بلاتي توريه شايفين إنه يقدر يملى هذا المكان، فالرغبة عند بيراميدز لسه موجودة ولكن المفاوضات لم تتجدد حتى الآن ولسه حمدي هيقول رأيه، إذا أبدى موافقة ييجي فهما فاتحين دراعتهم إنه يكون موجود من الموسم المقبل".