تحدث الإعلامي أحمد شوبير عن تطورات موقف رمضان صبحي لاعب بيراميدز، في ظل العقوبة الموقعة عليه مؤخرًا.وقال شوبير: "سألت يا جماعة موقف رمضان صبحي إيه؟ قالوا بالنسبة للعقوبة بتاعت رمضان ممنوع ينزل حتى يتمرن مع الفريق، العقوبة للأسف قاسية جدًا جدًا وتمنعه حتى من مزاولة تدريبه مع بيراميدز ولو عاوز يتمرن يتمرن لوحده".وأضاف: "طيب إنتوا النية إيه في بيراميدز؟ قالوا لحد هذه اللحظة إحنا محافظين على رمضان، وما علمته إنه ما زال بيتقاضى راتبه حتى هذه اللحظة، وهيستنوا صدور الحكم النهائي، الالتماس النهائي اللي مقدمه بيراميدز".وتابع شوبير: "ودور الأهلي هنا انتهى في القضية اللي كان محكوم فيها على رمضان والحمد لله إنه خلصها منها على خير، ودور المنشطات ده مش دور النادي الأهلي، الأهلي كان متضامن في القضية الأخرى، أما المنشطات فده مالوش الأهلي دخل من قريب أو بعيد".