كشف خالد الدرندلي، نائب رئيس الاتحاد المصري لكرة القدم، حقيقة ما تردد خلال الفترة الأخيرة بشأن وجود أزمات أو خلافات إدارية داخل منتخب مصر.
وقال الدرندلي، خلال مداخلة هاتفية مع سيف زاهر عبر قناة «أون سبورت»، إن الأمور الإدارية داخل منتخب مصر على ما يرام، مؤكدًا أنه لم تحدث أزمات كبيرة أو أمور غير معتادة خلال الفترة الماضية.
وأوضح: «في حاجات صغيرة كده، لكن بالنسبة للأمور الإدارية، أول ما وصلت قلت يا جماعة مفيش أي حاجة تتعمل برا المستطيل الأخضر إلا عن طريقي، وده اللي حصل فعلًا وده اللي بيحصل عادة».
وعن الأحاديث التي ترددت بشأن وجود أزمة إدارية تخص إبراهيم حسن، مدير منتخب مصر، قال الدرندلي: «الخلاف فقط إن احنا ما سلمتوش على بعض قبل الطيارة، وكانت الأمور هناك مستقرة وهادية».
وأضاف: «مفيش حاجة حصلت أكتر من كده، لأن أنا احتويت الموقف بهدوء، وبعد كده نزلت للاعبين والجهاز، وبلغتهم تحيات المجلس كله، على رأسه الكابتن هاني، وشكرناهم وقلنا لهم ألف مبروك، وطلعت عادي خالص».
وشدد نائب رئيس اتحاد الكرة على ضرورة الفصل بين الأمور الشخصية والعمل، قائلًا: «إحنا مينفعش عشان أنا زعلان وده مقموص، لا.. ده شغل، شغل، شغل، الحاجة اللي بتحصل لازم تحصل».
وتطرق الدرندلي كذلك إلى واقعة زيارة السفير واحتفال منتخب مصر، موضحًا أنه دخل بشكل طبيعي إلى قاعة الطعام الخاصة باللاعبين، وأبلغهم بقدوم السفير لتهنئتهم.
وقال: «أنا كنت بدخل اللعيبة عادي في القاعة اللي بيأكلوا فيها، دخلت وبلغتهم إن السفير جاي يهنينا، ومبروك يا جماعة، والسفير عايز يقولكوا كلمة، وبعد الكلمة بتاعت السفير والتورتة كل واحد في حاله».
واختتم الدرندلي حديثه بالتأكيد على أن هذه الأمور جزء طبيعي من عمل المنتخب، قائلًا: «الحاجات دي لازم تتعمل».