كشف الكاتب الصحفي محمد سيف عن تفاصيل القضية المتعلقة بلاعب الزمالك ابراهيما نداي وطريقة تعامل النادي معه وكيفية حل مثل هذه القضايا.

وقال محمد سيف عبر اون سبورت اف ام:"ابراهيما نداي مشكلته تضحك وتدعوا  الى الاسف ، لان انت اتفقت مع اللاعب وفقا لبندج موجود في العقد اللي معاك ان من حقك كنادي الزمالك انك تبلغ اللاعب كتابيا انه مش معانا في السنة التالتة".

وتابع: "وبالتالي متدفعلوش مستحقاته في السنة التالتة ، الزمالك عمل كدة فعلا مع اللاعب وانك ليك 600 الف دولار والسنة التالتة مش معانا ، فاللاعب وافق، وانت ملتزمتش في سداد الفلوس دي للاعب اللي انت اتفقت عليها معاه ، فاللاعب راح للفيفا وقدم شكوي".

وأضاف: "المحامي بتاع نداي اكتشف ان البند اللي الزمالك استند عليه بإبلاغ اللاعب بفسخ التعاقد في السنة التالتة مش موجود في العقد بتاع اللاعب وموجود في العقد اللي مع الزمالك بس".

وأكمل: "اما عقد اللاعب مفيهوش الكلام دة وبالتالي اصبح من حقه ياخد قيمة السنة التالتة والعقد كاملا والمبلغ هيوصل من 600 الف دولار لحوالي 1.800 الف دولار.",.