وجه أحمد شوبير الإعلامي بقنوات أون تايم سبورتس، رسالة قوية إلى أحمد حسام ميدو لاعب نادي الزمالك السابق بعد حديثه عن النادي الأهلي.
وقال شوبير خلال حديثه عبر إذاعة أون سبورت: "دايما بتكلم على ميدو بحب واحترام وتقدير.. امبارح فوجئت كان في ستديو تحليلي بيتكلموا على مباراة بين الأهلي والاتحاد في كأس العالم للأندية لقيت ميدو قال أنه فرقة الاتحاد لما تيجي تلعب قدام الأهلي لازم يقروا قرآن كتير".
وأكمل: "أنا اتفرجت على الفيديو كله واتخضيت يعني قال في نهائي إفريقيا 2020 لقينا اللعيبة اتصابت بالكورونا، وأي فريق الأهلي بيلاعبوا بيتصاب منه لعيبة كتير ولعيبة الاتحاد مطالبين بقرآة القرآن قبل المباراة بتحصل كم إصابات غير عادية بعدين رجع قال الأهلي فريق كويس".
وأضاف: "اللي رده بقى الأخوة الأعزاء اللي في الاستديو التحليلي من السعودية وخصوصا كابتن محمد نور قاله أنا لعبت ضد النادي الأهلي وكسبناه والأهلي كان في أفضل حالاته ولعبنا وكسبنا وبعدين قلبها بضحك هذا الكلام يا ميدو لا ده كلام المقصود بيه صعب".
وواصل شوبير: "ميدو قال قبل أي مباراة للأهلي والزمالك بيتصاب لعيبة كتير من الزمالك.. ده آخر ماتش بين الفرقتين الأهلي كان غايب عنه أكرم توفيق، كريم فؤاد، ياسر إبراهيم، عمرو السولية، محمد عبد المنعم، حمدي فتحي، برونو سافيو، بيرسي تاو، ومحمود متولي كل دول كانوا غايبين، والأهلي كسب".
واختتم شوبير حديثه: "أنا مش عاوز أقول الكلام ده بس ميدو نجم كبير ومحبوب فأنا اتخضيت من طريقة كلامه كلنا بنتسلح بالقرآن كانت غريبة أوي يا ميدو شوية لو قولتها هنا في البرنامج بتاعك ماشي".